最近瀏覽「人在中環」網誌，作者CK寫了一篇關於處理員工"Sick Leave"的方法，鬆緊有致，值得學習，故引用加以參考應用如下 :

有關Sick Leave

大口仔講開同事Sick Leave既問題，咁呢樣野以前其實都寫過架啦。咁我又講少少我既expereince丫。

我以前班同事，呢個問題其實都幾嚴重。總之禮拜一呀，長假期之後，總會多左一批同事sick leave既。同事們都傾向同我表達佢個病假係真既，冇花冇假。做老細，見到佢拎住張醫生紙俾你睇，基本上你都冇得再challenge佢架啦。又或者咁講，再challenge佢，都冇咩意思。雖然大家都知，要拎一張合資格既醫生紙返公司交差，其實並唔困難。

不過呢，問題就出響，大家都太過focus響個「病假」既真偽上面囉。同事們既錯覺係，佢地覺得只要個sick leave係真，或者正確些少講，個sick leave有support俾佢去present到好似真既一樣，咁就大條道理可以放假。咁如果做老細同上司，都follow呢一個思維既話，咁下屬放sick leave既情況，我覺得就只會越黎越放肆囉。是關老細唔係medical professional，冇得challenge醫生既專業決定。講得難聽d，如果同事係用心不良既，佢其實係拎張醫生紙黎「大」你囉。

咁所以我自己既做法呢，通常我都係俾個message我既下屬，同佢地講，大家成年人，你告得病假，我就信你係真囉。當然，醫生紙我係要照收既。不過咁，我要求我既下屬，係要有一個健康既身體去應付一個禮拜五日半既工作。咁假如你sick leave真係好多既話，我唔理佢真又好假又好，我只會懷疑，你有冇足夠既體能同health condition去應付我呢一份工作囉。

咁同事慢慢收到呢一個message既時候，病假既數量，又真係減少左好多。至低限度，我覺得係一個合理既水平啦。

當然啦，響呢個合理既水平之中，我都依然覺得，呢堆病假，當中係有真亦有假既。不過與其去逐一估佢既真偽，識穿佢又耐佢唔何，我倒不如容許佢地有「適量」既蠱惑，等同事們自己去調節好過囉。

其中有一位讀者cc 有下述回應，讓我感到正能量重現，人與人的彼此信任，他說 :

我自己本身很少很少sick leave，幾乎一年都冇。所以如果我sick leave 的時候，老闆一定估我真係sick 囉。
對於sick leave，我唔想去呃公司，因為工夫係你既就係你既，冇得走。

唔知大家又會點睇呢個問題呢 ?

******

大部分資料引自 : http://manincentral.blogspot.hk/2008/01/blog-post_29.html

arrow
arrow
    全站熱搜

    文皇 發表在 痞客邦 留言(0) 人氣()

    E-mail轉寄