送舊迎新,城中名醫前晚除夕夜輪流開Party倒數,香港大學校務委員會主席梁智鴻(金刀梁)率先收到新年大禮,獲香港牙醫學會頒發「榮譽會員」資格,係該會六十二年來,首位非牙醫獲得呢個殊榮。做咗「榮譽會員」有乜好處?金刀梁笑言,以後可以幫人剝埋牙,認真搞鬼。

金刀梁天生一棚靚牙,但今次獲獎,同「牙力」無關。牙醫學會會長梁世民盛讚金刀梁在任行政會議期間,不遺餘力推動老人牙科服務,認真抵讚。金刀梁話,雖然佢唔係牙醫,但堅信人生冇口腔健康,唔算係真正健康,好希望人人有棚健康牙齒。

梁卓偉無官一身輕

金刀梁喺官場老友多,前晚獲頒殊榮,好友紛到賀,好似食物及衞生局局長高永文就算失聲都去支持,認真唔話得。卓妮見高局長猛指住喉嚨,有口難言,以為佢大感冒,原來係近日經常飲凍飲之過,高太無奈嘆道:「佢最鍾意喺飲品度加冰,叫佢唔好又唔理,所以咪咁囉!」幸好高局長即時食喉糖醫自己,希望佢早日康復啦。

同場仲有前特首辦主任梁卓偉(Gabriel),佢依家喺港大社會醫學系做系主任,見佢開心戴上Party帽,真正無官一身輕。Gabriel話,依家又要教書,又要做行政,忙到冇時停,但教學生係佢最大興趣,好享受喎。

******

資料引自 : http://orientaldaily.on.cc/cnt/news/20130102/00176_084.html

arrow
arrow
    全站熱搜

    文皇 發表在 痞客邦 留言(0) 人氣()